 |
|
|
 |
|
motorsykkel med sidevogn.......
Her er nokre bilete etter bestefaren min, Rasmus Langeset f. 1901. Saman med søstrene Hanna og Ingeborg, broren Olaf og eit par vener, køyrde Rasmus ein motorsykkeltur i 1925. Turen gjekk frå Langeset og til Pollfoss. Dei stoppa også på Grotli. Rasmus sin motorsykkel var S-147 og Olav hadde ein Harley Davidsen, også den med sidevogn. Det måtte vere stort å ta ein slik tur på den tida.
På veg ned til Grotli. Frå venstre: Hanna, Olaf, Ingeborg og Rasmus. Alle med etternamn Langeset.
Posering utanfor Grotli. På motorsykkelen til venstre sit Ingeborg og Rasmus. Olaf står mellom syklane og lengst til høgre sit Hanna med ein for meg ukjend mann.
Kvilepause. Frå venstre: Hanna, ukjend, Ingeborg og Rasmus.
Rasmus, Hanna, Ingeborg og ukjend mann.
Like avanfor Pollfoss.
Olaf, ukjend, Hanna og Ingeborg. Maten smakar ekstra godt i Guds frie natur.
Ingeborg, Rasmus, Hanna og Olaf på veg over Strynefjellet.
Ukjend, Hanna, Ingeborg og Rasmus på Strynefjellet. ikkje så langt frå Tystigen (trur eg).
Framleis mykje snø nedover mot Videsæter. Sikkert ein flott tur, og dei overnatta truleg på Grotli. Mest truleg i slutten av juni månad. Dei var godt kledde på turen over fjellet.
|
|
|