NrK-journalist Hans-Olav Rise og Simon Partridge på premierefesten. Det var ein spesiell kveld for begge. Simon er sonen til den engelske piloten kaptein Richard T. Partridge, som var med i luftkampen over Grotli og seinare vart ven med den tyske flygaren Horst Schopis. Hans-Olav Rise fekk ein spesiell sms under filmen, som sterkt var knytta opp mot ei av hendingane i denne. Ei hending som nokre av oss innvidde i Stryn har hatt kjennskap til lenge. Den avdøde eidaren Sverre Myklebust var med i den norske patrulja på Strynefjellet, og han avfyrte skotet som drepte den tyske soldaten på Grotli. Tyskaren tok etter våpenet sitt, og i samsvar med instruksen vart han "teken ut". Sverre er oldefar til Hans-Olav, og det var ei sterk oppleving både for Sverre i april 1940 og Hans-Olav laurdags kvelden. Eg hadde ein hyggeleg prat med begge.