Elva vår må fram i dagen - den er noko av det likaste vi har. Det må gjerast eit krafttak frå Stryn Energi og heilt inn til Rise. Vil bli eit aktivum for tilreisande og fastbuande. Bru over til Aarheim og gangveg mest mogleg langs elva heilt opp til Sætre. Fantastisk miljø!!!!
Eg har også teke til orde for å bruke Petterneset som base for det historiske Stryn. Her ser ein inn til bautaen, samtidig som ein er rett ved sidan av staden der tiendebuda og den gamle eksersisplassen låg. På gamle kommuneplassen er det også gjort gravfunn frå 700-talet. Herfrå kan det også byggast gangbru over Stryneelva til Aarheim og plassen kan brukast som utgongspunkt for historiske vandringar i Stryn.
Det er også viktig å få til gode animasjonar som viser td. Stryn sentrum gjennom tidene. Kanskje kan ein starte med ein islagt Strynedal, vise korleis isen og vatnet jobbar med landskapet vårt,terrassebygginga (avleiringar), havet som trekk seg tilbake og landet som stig. Fortsette med dei første steinalderbusetnadane, oppbygginga av garden Bø i folkevandringstida, ta med ein seremoni eller tingsete, fortsette med vikingtida, hoppe fram til 1940 og til slutt Stryn i dag (allsidig næringsliv, natur og aktivitetar). Må sjølvsagt gjere lange hopp, men vise det viktigaste. Dette let seg gjere om kommune, fylke-stat, UiB og næringsliv vil.
Det som er unikt her er at dette er 400 år eldre enn vikingfunna. Dette er ein kulturhistorisk skatt som vi er omtrent åleine å vise til i Noregshistoria. Tenk på det!! Vikingtida var ikkje påtenkt eingong då garden Bø og "Strjon" var eit maktsenter i Nordfjord. Treng ikkje vere so veldig kreativ for å presentere dette!!