Lærar er frk. Kirsti Nesdal (gift Bjørkedal) og ho står som nr. to frå venstre. Kirsti fortel at på veslekjøkenet hadde dei då framleis to brenselskomfyrar. Biletet er teke av K.A. Tonning mot syd-aust.
Dersom du eller nokon du kjenner har vore elev eller lærar på Husmorskulen, hadde det vore veldig fint om du kan sjekke om du kan finne bilete frå skuletida. Førstkomande onsdag er Hovudutvalet for Opplæring samla i Stryn for å ha møte og samtidig markere at det er på dagen 100 år sidan skulen vart vedteken oppstarta. Første kullet starta i januar 1913. Har du også gode historier frå skulen tek eg også imot dei. Svært mange unge gutar i Stryn (er vel vaksne no, og vel so det!) har også nyttige erfaringar frå skulen.